فيديو

سداد بعقل

كيف ماشي اقتصاد اليابان ونسبة دينهم أضعاف دين الأردن؟
19 November 2017
شارك

 

الدين العام الأردني صار فوق ال 26 مليار دينار… أكثر من 94% من الناتج المحلي

هذا كل اللي بنسمعه عن الدين بالأخبار

بس طلع هذا الوضع مش كثير غريب عالميا.

معظم الدول ومن أكبر وأهم الاقتصادات عندهم ديون

الدين العام البريطاني 92% من الناتج المحلي

الدين الفرنسي 97%

كندا تقريبا 99%

ايطاليا 133%

ودين اليابان 235% من الناتج المحلي!!!

بس امشيين حالهم وما حدا بيحكي أنهم على وشك الانهيار الاقتصادي.

فإيش الفرق بين دينهم وديننا؟

 

الفرق بين هاي الدول والأردن هي إدارة ملف الدين العام.

كيف عم تاخذ ديونك، و من مين، وتحت أي شروط، ايش قيمة الفائدة وايش فترة السداد

كل هاي الأمور تحدد قديش عم ينسحب من ميزانيتنا لسد الديون كل سنة

 

بريطانيا مثلا، دينها العام قريب من دين الأردن كنسبة من الناتج المحلي.  

بيدفعو كل سنة بحدود ال 6.5% من إيرادات الدولة لسداد الفوائد على الديون

نسبة دين كندا أعلى من نسبة الأردن وبدفعو 6% من الإيرادات لسد الفوائد

فرنسا بيدفعو حوالي 4%.

طيب الأردن، شو وضعنا؟

في ال2016 دفعنا حوالي 13.5% من الإيرادات حتى نسد الفائدة على الديون… ترى مش الديون نفسهم… بس الفائدة.  

بتوصل النسبة 30% من الإيرادات إذا حسبنا دفعات الفوائد وسداد الدين نفسه

 

نرجع للموضوع الأساسي: إدارة الدين

لما تقترض الدولة عندها خيارين: يا تقترض من مصادر محلية أو من مصادر دولية.

ديوننا أكثرها محلية.. وصلت نسبتهم 70%  من الدين العام بال2012… وهذا من أكبر مشاكلنا.

معدل فائدة الدين الداخلي: 4% ….. أما الدين الخارجي نص القيمة

معدل فترة سداد الدين الداخلي 3 سنين… أما الدين الخارجي تقريبا 7.

يعني لما بتاخذ الحكومة دين داخلي بدها تدفع ضعف قيمة الفائدة وتسد بنص الوقت!

معادلة ملغومة بتاكل الميزانية أكل.

وسياسة الاقتراض الداخلي إلها تأثير كبير وسلبي على السوق

لما تتدين الحكومة مبالغ كبيرة من البنوك والمصادر المحلية، ببطل حدا تاني قادر ياخذ قروض ليمشي شغله. يعني يختنق السوق لأنه الحكومة أخذت كل السيولة

 

بس نكون منصفين.

آخر سنتين صار في  نقلة ملحوظة في إدارة ملف الدين وصار عندنا استراتيجية مكتوبة ومعلنة

أهداف الاستراتيجية طموحة،  من ضمنها تخفيض الدين العام من ال95% لل 82% بال2021 وتخفيض نسبة الديون الداخلية من 70% ل55% من إجمالي الدين بنفس الفترة.

نتأمل خير، بس في قصص… تفاصيل… تقلق.

مثلا، ليش ما في مؤشرات أداء مرحلية… يعني إذا الدين مفروض ينزل لل82% بال2021 مش مفروض يكون في أهداف مرحلية بال2017 وال2018, وال2019 وال2020؟

حتى نقدر نتابع ونشوف إذا كنا عالطريق الصح.

وليش اهداف تخفيض الدين اللي بالاستراتيجية مش نفسها التي تقدمت لصندوق النقد؟

مش كله صادر من الحكومة ومفروض كله مدروس؟

ففي مشاكل وفي مجال أكبر للوضوح والشفافية.

بنفس الوقت، في إنجازات

مثلا قلت نسب الدين الداخلي في السنتين الماضيين.

وصار في آليات لاصدار قروض داخلية طويلة الأمد

خطوات منيحة. بس كافية؟ واقعية؟ مدروسة وتطبق؟

هذا هو السؤال اللي بده جواب واقعي وصريح.

 

ذات علاقة

بحث

رفع الدعم عن الخبز

لقمة العيش ضعف السعر
19 كانون الثاني 2018
فيديو

مواصلات معان

من 65 إلى 170 مليون دينار زيادة في مخصصات وزارة النقل
23 حزيران 2017
فيديو

سكن كريم

تطبيق لمبادئ اللامركزية قبل تطبيق القانون نفسه
23 حزيران 2017

من مالنا

بحث
17 كانون الثاني 2017
بحث
11 حزيران 2016
فيديو
3 كانون الثاني 2017
فيديو
15 November 2016
بحث
5 December 2016