فيديو

شريان الحياة

الأردن ثاني أفقر دولة في الموارد المائية، مديونية سلطة المياه قربت على المليارين دينار، و50% من المياه اللي بتنضخ بالشبكة بتروح "فاقد"
2 November 2017
شارك

 

فاقد المياه في لندن: 28%

شيكاغو 24%

بارشيلونا 19%

هلسنكي 17%

مانيلا 13%

أوساكا 7%

وكوبنهاجن 4%

طبعا كل هاي الأماكن تعاني من شح مياه شديد، وجفاف… فغصبا عنهم بدهم يوفرون آخر قطرة مي.  

 

معدل فاقد المياه في الأردن فوق ال50%

في بعض المحافظات بيوصل الفاقد 70%

يعني بينضخ 10 لتر بالشبكة، وبروح 7 تهريب أو سرقة.

إنتو فاهمين معنى هذا الحكي؟

الأردن ثاني أفقر دولة في موارد المياه

حصة الفرد أقل من خمس المعدل العالمي

التغيرات المناخية عم تشطبنا بزيادة

بس أنا عارف… هاي الامور مش مهمة… ونحطها على جنب!

الموضوع المهم؟

كل سنة يكلفنا الفاقد بين ال250 وال350 مليون دينار.

مديونية سلطة المياه قربت على 2مليار... قنبلة ورح تفقع  

 

والخسائر ما بتوقف هون.   

شبكة مي مهترئة بتسبب أمراض... بدها علاج…. بدها مصاري

التسريب بخرب شوارع… بدهم تصليح.. بدو مصاري.

ومين اللي بيدفع حق هذا الحكي؟؟

 

هلق مثل ما قلنا، الفاقد  جزء منه تسريب وجزء سرقة.

نبعد عن موضوع السرقة لأنه اللي بهفوا المي عندهم أسلحة ووضعهم خطير وكذا… والدولة مش ناوية على هيك مواجهة.

بس التسريب… فش مواجهة.

باختصار وجيز: نظام كشف عن التسرب، وتبديل وصيانة مواسير وأكواع مصدية.

التكلفة المقدرة لاعاده تآهيل شبكة المياه كاملة من الشمال للجنوب بحدود المليار دينار.  

يعني خلال 10-5 سنين نكون غطينا تكلفة الترميم وقدرنا نزيد على الشبكة 30% مي بدون ما نلاقي ولا مصدر مي جديد!

 

كلنا منعرف إنه في عندنا مشكلة عويصة بالمي.

الحكومة عندها خطط طموحة لحل المشكلة… مثل قناة البحرين و تحلية المياه

بس الخطط مكلفة ومش مؤكدة

لازمنا حل سريع

 

مديونية سلطة المياه قربة عال2 مليار.

وكل سنة بتزيد ربع مليار أو أكثر

وخلونا نتعلم درس من الفيلم اللي أكلنا بال2012 من ورا ديون شركة الكهرباء الوطنية.

مش ناقصنا أفلام

كلمات دلالية

المشاركات

 

ذات علاقة

فيديو

اقتطاع عام

إيش الطرق لتفعيل انتاجية القطاع العام؟ ترهيب أم ترغيب؟
7 كانون الثاني 2018
فيديو

الخبز

رفع الدعم أم ضبط الهدر؟
22 December 2017
بحث

قطاع المياه في الأردن والمياه المهدورة

أكثر من 50٪ من مياه الأردن فاقد
10 December 2017

من مالنا

فيديو
10 October 2014
بحث
13 حزيران 2016
فيديو
27 كانون الثاني 2018
فيديو
19 November 2017