فيديو

محافظات مثمرة

الفرص الاستثمارية موجودة، بس المحافظات قدها؟
12 October 2017
شارك

 

مشاريع استثمارية

الكرك: مصنع انابيب بلاستك، 18 فرصة عمل وربح 1.5 مليون على 10 سنين

اربد: مصنع اعادة تدوير اطارات سيارات، يوظف 60 وربحه 13 مليون على 10  سنين

معان: مصنع إعادة تدوير الأسفلت، يوظف 40  معاني وربحه 10 مليون على 10 سنين

وجرش وعجلون والبلقاء وعمان والطفيلة والعقبة والمفرق…

وبقولو ما في فرص استثمار في الأردن!!

 

أطلقت هيئة الاستثمار الخارطة الاستثمارية للمحافظات

دراسات جدوى مفصلة ل120 مشروع صغير ومتوسط موزعين على كافة المحافظات

ولما أحكي "مفصلة" يعني جد مفصلة

كل دراسة فوق ال50 صفحة.

دراسة للسوق، لحجم الطلب، المنافسة، العوائق  وسياسات التسعير…

ودراسة فنية وتقنية للموارد البشرية، خطوط الانتاج والتصنيع، الآلات والمعدات  

ودراسة مالية لتكاليف الإنشاء، والتشغيل، القروض، المبيعات والأرباح... سنة بسنة.  

يعني باختصار، يا مستثمر، امسك الخطة وبلش!

 

اللي أحلى؟

انعملت الدراسات بالتشارك مع أهالي المحافظات… انبنت حسب رغباتهم، وميولهم، وقدراتهم،

انبنت حسب النواقص اللي عندهم ومتطلبات سوقهم، وطبعا طبيعة المحافظة وامكانياتها.

يعني خطط عجلون ركزت على السياحة والمنتجات النباتية.

التركيز بالطفيلة على مواردهم الطبيعية الصخرية.

 

آخر أكمن سنة كل الدراسات التنموية  بتأكد إنه البطالة أكبر هم عند شباب البلد.. و ما في حل للبطالة غير مشاريع اقتصادية

مش مشاريع تنموية. مشاريع اقتصادية، فيها شغل جاد وربح وديمومة. يعني استثمارات.

30 مليار دينار قيمة الودائع بالبنوك الأردنية.. قاعدة... ما بتفيد حدا غير أصحابها والبنوك.

تكلفة انشاء ال120 مشروع اللي حكينا عنهم 300 مليون دينار… يعني ما بيوصل ½ مليار! مبلغ بسيط من مصاري الودائع.

بس ما حدا رح يستثمر إذا ما في ربح

ما حدا بدو يفتح مشروع بمنطقة عقليتها "يا لعيب يا خريب"

وظف عشر من اولادنا وادفع رواتبهم… وإذا بتفصل واحد، بغض النظر داوم ما داوم، اشتغل ما اشتغل، منحرق المشروع.

ما حدا رح يفتح مشروع بمنطقة إذا أهاليها مش ماخذين الخطوة الأولى: مش قارئين الدراسات، ولا مطلعين على الفرص، ولا متحركين تجاهها.

 

وهون بيجي دور اللامركزية، والمجالس المحلية والبلدية والمحافظة.

هم اللي لازم يفصفصوا الدراسات…. ويتشاوروا فيها مع أهالي المناطق

"أي مشروع بدنا إياه؟"، "مين بيقدر يشتغل فيه ويشتغل مليح؟" "ليش هذا المشروع مش هذاك؟" "إيش منقدر نوفر للمشروع إذا فتح بمنطقتنا وكيف بدنا تقنع المستثمرين إنه المشروع هون رح ينجح ويلاقي شراكة محلية داعمة؟"

بعد الاتفاق، المجالس والممثلين دورهم يلاحقون المستثمرين ويجيبوهم.

 

يا أهالي المحافظات… القرى والبلديات والألوية.

مش رح أحكي الكرة بملعبكم لأنها كلمة كبيرة… وكأنه برئنا الحكومة من أي مسؤولية بعد سنين من الاهمال والتهميش والعمل العشوائي.

بس اللي منقدر نحكي، على القليلة، إنه صار في كرة بملعبكم.

صار في كرة بملعبكم.

ما تضيعوها.

 

ذات علاقة

فيديو

الجود بالموجود؟

كيف تنجو الفحيص من عجز في موازنها؟
17 أيلول 2017
مقال

بلدية الفحيص تستدرج استثمارات

كيف تنفذ البلدية دورها في تشجيع الاستثمار؟
14 أيلول 2017
فيديو

معادلة الإنتخابات

اختلافات واضحة في توجهات المرشحين
13 آب 2017

من مالنا

فيديو
24 حزيران 2017
مقال
10 حزيران 2016
فيديو
15 حزيران 2017
فيديو
4 December 2016