فيديو

مراقب الهدر

المشاريع الواقفة أو العلقانة لازم تتوقف، أو تتأجل
24 November 2016
شارك

بالألفين وثمانية قررت الحكومة إنه البلد لازمه سكة حديد تربطه بالبلدان المجاورة. وهيك بلش مشروع شبكة سكك الحديد الوطنية وقدرت تكلفته ب٢ مليار دينار. مشروع كتير مهم للتجارة: (نقل بضائع) بيفتح أسواق على بعض، لقدام ممكن ينقل ركاب.

كان التخيل ٤ سنين شغل… طبعا التخييل اشي والواقع اشي ثاني. ل

ل٢٠١٥، انصرف ١٠٠ مليون دينار على المشروع... واتنفذ…. ١٪!!!!

بنعيد مشروع صرله ٨ سنين شبه واقف، كل سنة بينضخ فيه مصاري، انصرف ٥٪ من ميزانيته وأُنجز١٪. هاي قصة معظم الدوائر والوزارات المصاري بتنرصد، بتنصرف النتيجة؟؟ ومؤشرات الأداء؟ فش هاظ شو؟ فساد إداري؟ هدر؟

بال٢٠١٣، رصدت وزارة المياه ٥ مليون دينار حتى تقلل نسبة الهدر بالمياه. انصرفت المصاري والهدر ضل مثل ما هو. طيب وزارة التربية والتعليم رصدت ٦٠٠ ألف دينار لتخفيض نسبة الأمية. بعد سنة، انصرفت المصاري والأمية هية هية.

٥٠٪ من الدوائر الحكومية بتنجز ٠٪ أو أقل من مؤشرات أدائها.

٠٪ أو أقل يعني الأداء بضل متل ما هو أو يتراجع!

قصة الأداء جزء من المشكلة بس الموضوع أكبر من هيك. لانو لما ما يكون في فلوس في الدولة، المصاري اللي بتنرصد لمشروع معين بتكون على حساب إشي ثاني. كثيرة القصص العلقانة لأنو ما في فلوس: التأمين الصحي، الخدمات الاجتماعية، الدراسات… بوضعنا الاقتصادي، ما بنقدر نلعب بالفلوس. المشاريع الواقفة أو العلقانة لازم تتوقف، أو تتأجل. وينرصدلها موازنة لما يكون في حركة!

ولما نرصد مصاري وما يصير إنجاز، حدا يسأل… عشان حدا يتحاسب.

يعني بموضوع السكة لما ٣٩ مليون ينصرفوا بال٢٠١١ بمؤشر اداء ١٪ وترجع وزارة النقل تطلب ٢٨ مليون السنة اللي بعدها ، حدا لازم يقول “وقف… ليش ما صار إشي؟ مين المسؤول؟ لانو لما مشروع مايمشي بنقدر نستغل المصاري بمكان ثاني وهون دور البرلمان و دورك كمواطن بالرابط بتلاقو إيميلات وأرقام تلفونات نواب اللجنة المالية، اللي بتدرس مشروع قانون الموازنة وبتعطي المجلس توصيات عليه.

اكتبولهم، وإحكوا معهم.حياخذكم دقيقة تقولوا: بدنا الصرف يكون مبني على نتائج ومؤشرات أداء واضحة.

 

ذات علاقة

مقال

براءات الاختراعات الأجنبية تتفوق على المحلية في النصف الأول من العام الحالي

سجلت 13 طلباً ٬ والأجنبية 140 طلباً٬ مقابل 22 طلباً محلياً عام 2016 و 256 طلب أجنبي .
16 تموز 2017
مقال

كنوز الاردن في الخارج دون خيوط تواصل

على اجهزة الدولة كافة انشاء خيوط اتصال، مع المغتربين الاردنيين في الخارج
4 تموز 2017
مقال

مغتربون أردنيون: نفكّر بالعودة ولكن

العمل على إلغاء سياسة "البيروقراطية" التي تعاني منها بيئة الاستثمار
23 حزيران 2017

من مالنا

بحث
9 أيار 2016
بحث
2 آب 2016
فيديو
20 حزيران 2016
مقال
29 أيار 2016
فيديو
20 October 2016
بحث
5 أيلول 2016