فيديو

الخبز

رفع الدعم أم ضبط الهدر؟
22 December 2017
شارك

 

الحكومة عم تشد على موضوع رفع الدعم عن الخبز

وهاي المرة الحكي جد…………  والشارع الأردني مولع.

بتحكي الحكومة إنها رح  تعوض عن ارتفاع السعر وتوزع مصاري على الناس اللي دخلهم منخفض

عملية بذاتها مكلفة، غير دقيقة وقابلة للخطأ والتلاعب،

والناس مش مطمنين لقيمة دعم الخبز اللي رح توزعه الحكومة… 14 دينار بالسنة للفرد

نحن أمام معضلة.

دعم السلع مثل  للخبز تشوه للنظام الاقتصادي، ولازم ينشال لأنه ما بميز بين الغني والفقير والمستحق والغير مستحق

من جهة ثانية، ناس عم بتجوع بالبلد كمان تشوه….  وتشوه أكبر.  

فإيش الحل

 

إيش معنى الدعم الحكومي؟

مختصر:  الحكومة بتغطي فرقية السعر على سلع حتى يكون سعرها بالسوق الأردني أقل من سعرها الحقيقي…

مثلا، إذا كان البنزين 50 دولار للبرميل، بتدعمه الحكومة ب15  دولار وبصير بنباع ب35 بالسوق المحلي

إذا الكهربا يتكلف 150 فلس للكيلووط، بتدعمها الحكومة ب 117 فلس ومنشتريها نحن ب 33.

بالنسبة للخبز، سعر تكلفة الكيلو الحقيقية مقدرة ب32 قرش، بس الخبز المدعوم بينباع بنصف السعر: 16 قرش للكيلو.

والحكومة، الله يخليها، بتغطي الفرقية.

 

هلا قررت الحكومه بدل ما تدعم السلعه بدها تدعم المواطن المستحق.

بس في مشاكل جذرية بآلية توزيع الدعم النقدي وفي ناس رح تروح عليهم

حسب الخطة الحالية، العيلة اللي دخلها أكثر من 12,000 سنويا ما بيطلعلهم دعم نقدي

يعني واحد ووحدة وابنهم، دخلهم 11,999 دينار سنويا بياخذوا دعم

بس أرملة عندها 7 أولاد  دخلها 12,100 دينار بالسنة ما بيطلعلها

 

كمان مشكلة:

اتخذت الحكومة هذا القرار وسعر القمح بالسوق العالمي في أوطى مستوياته…. وهذا بأثر على قيمة الدعم النقدي

بال2013 لما كان سعر القمح عالي وصلت فاتورة الدعم 260 مليون

السنة الماضية كانت فاتورة الدعم أقل من النص... 120 مليون

استعملت الحكومة هذا الرقم حتى تحدد قيمة الدعم النقدي اللي رح توزعه: 70 مليون دينار سنويا

بس إذا ارتفع سعر القمح السنة الجاي ورجع لمستويات ال2013, رح تزيد قيمة الدعم النقدي؟

 

في موضوع قليل بينجاب سيرته: المصاري تبع الدعم من وين جاي؟

من ميزانية الحكومة!

اللي بتيجي من ضرايبنا والرسوم والجمارك والمسقفات.

يعني أولا وأخيرا، الدعم الحكومي هو عبارة عن دعم من الشعب للشعب… مش صدقة.

والسؤال بصير: كدافعبن ضرايب، كيف بدنا نوزع هاي المصاري؟

بدنا الكل يستفيد من الدعم؟

الفقير والغني واللاجئ والوافد؟

ولا بدنا نزيل الدعم؟

ولا بدنا الحكومة تضبط الهدر وسرقات القمح المدعوم؟

 

25% من الدعم بروح هدر بين سرقات واستخدامات غير قانونية للطحين المدعوم

30 مليون دينار السنة الماضية

إزالة الدعم رح يوفر 50 مليون دينار

لا… اضبطوا الهدر... وخلوا الدعم... ومنتحمل فرقية ال20 مليون

خاصتا انه الوضع الاقتصادي صعب والناس مخففين استهلاك اللحوم والخضار وعم بزيد اعتمادهم على الخبز كمصدر غذاء أساسي

 

على المدى الطويل، الدعم لازم ينشال

بس هذا الحكي لازم يصير لما يكون في آلية عادلة وواضحة للتعويض… إن كان توزيع معونة أو رفع رواتب أو رفع الحد الأدنى للأجور ككل.

بالوقت الحالي… المبالغ اللي ممكن نوفرها من إزالة الدعم ما بتبرر إزالته

والخطة بدها خبز من أول وجديد

كلمات دلالية

 

ذات علاقة

فيديو

المواصلات العامة

كلهم عندهم سيارات
27 أذار 2018
بحث

ادارة الدين العام

هل نحنن قادرون على تسديد ديوننا؟
26 فبراير 2018
مقال

وظيفة حكومية ولا وظيفة حكومية؟

هل القطاع العام متضخم؟
7 فبراير 2018

روابط خارجية

من مالنا

فيديو
20 October 2016
بحث
5 December 2016
مقال
4 تموز 2017
مقال
12 October 2015